Mwanamuziki wa Bongo Fleva, Nasibu Abdul ‘Diamond Platnumz’
anadaiwa kumtusi staa wa sinema za Kibongo, Wastara Juma baada ya
kumuomba msanii wake akarekodie katika studio zake za Wasafi Classic
Baby (WCB).
Tukio hilo lililopigwa chabo na chanzo chetu lilijiri wikiendi
iliyopita katika moja ya studio za runinga ambapo Wastara alikwenda
kumpeleka msanii wake aitwaye Ibrahim Khaan kwa ajili ya mahojiano.
Sosi wetu alisema kuwa, Diamond alimshushia Wastara
matusi kwa madai kuwa ni shabiki wa Ali Kiba na kwamba kwa muda mrefu
alikuwa akimsaka ili ampe makavu.
“Jamani mimi nimemsikia kwa masikio yangu Diamond akimtukana Wastara matusi ya nguoni, kisa ni ushabiki wake kwa Ali Kiba.“Unajua Wastara ana msanii wake ambaye ‘anammeneji’, walipokuwa
kwenye studio za runinga walikutana na meneja wa Harmonize anayeitwa
Momo.
“Huyo Momo anajuana na mdogo wa Wastara hivyo walipoonana
walisalimiana kisha akatokea Harmonize ambaye naye alisalimiana na
Wastara.
“Wastara ndiye aliyeomba kuonana na Diamond kwa sababu msanii wake
alikuwa akihitaji kubadilishana naye mawazo,” kilisema chanzo hicho.
Hata hivyo, baada ya kuongea na Wastara, Momo alimfuata Diamond
kwenye gari akiwa ameongozana na mdogo wa Wastara ambaye alimweleza
Diamond kuwa Wastara alikuwa akitaka kuongea naye.
Chanzo kiliendelea kusimulia kuwa Diamond, alianza kutoa maneno
mazito na kusema kwa nini asiende kwa Ali Kiba kisha akatukana matusi
mazito yasiyoandikika.
Chanzo hicho kilidai kwamba, wakati Diamond akitoa lugha hiyo kali
kwa Wastara, Harmonize alikuwa pembeni hivyo aliinama kwa aibu.
Ilisemekana kuwa, Wastara alipomsogelea Diamond alimsalimia Diamond
ambaye aliitikia akiwa amekasirika kisha Wastara akaanza kujieleza kuwa
alikuwa akihitaji msanii wake akafanyie kazi yake kwenye Studio za
Wasafi.
Chanzo kilieleza kuwa Diamond aliendelea kumkejeli Wastara akimhoji kwa nini Wasafi na si kwa Ali Kiba?.Ilielezwa kuwa Wastara alicheka na kumwambia kuwa yeye amependa kurekodia Wasafi na nia yake si ushabiki bali ni kazi tu.
Hata hivyo, ilisemekana kwamba, Diamond hakutaka maongezi hivyo alimkatisha kwa kumwambia kuwa jambo hilo amalizane na Momo.
Baada ya habari hiyo kutua kwenye dawati letu, mwanahabari
wetu alimtafuta Wastara kwa njia ya simu ambapo alikiri kukutana na
Diamond na kuzungumza naye ishu za msanii wake lakini hakujua kama
kulikuwa na matusi.
“Sina ugomvi naye na wala hayo ya matusi sijui ila ni kweli
nilikutana naye na nilipanga kwenda kwenye studio yake lakini alinihoji
kuhusiana na kuichagua studio yake, nikamweleza natafuta ubora na
nitafanyia studio mbalimbali ikiwa ni pamoja na huyo Ali Kiba,” alisema
Wastara.
Chanzo cha uhakika kilimtafuta Diamond kwa njia ya simu lakini jitihada za
kumpata ziligonga mwamba baada ya kuita kwa muda mrefu bila kupokelewa
hivyo zinaendelea.
