VIFO VYA MAHUJAJI MAKKAH Bakwata na Serikali wafuatilia hali za Watanzania..

Baraza Kuu la Waislam Tanzania BAKWATA kwa kushirikiana na Serikali kupitia Wizara ya Mambo ya Nje na Ushirikiano wa Kimataifa, linafuatilia tukio la kufariki dunia kwa mahujaji 107 katika Mji wa Makkah nchini Saudia Arabia baada kuangukiwa na Mashine ya ujenzi ya kubeba vitu vizito iliyosababishwa na Upepo mkali na mvua kubwa iliyokuwa ikinyesha.

 

Mufti mkuu wa Tanzania Sheikh Abubakar Zubeir Bin Ali akizungumza na waandishi wa habari amesema Mpaka sasa bado haijafahamika kama kuna mahujaji kutoka Tanzania ambao wamefariki au wamepata madhara kutokana na tukio hilo na kutaka waislamu kuwa watulivu huku bakwata wakifuatilia ili kufahamu hatma ya mahujaji wa Tanzania walioko makkah.

 

Aidha kufuatia tukio hilo Mufti amewataka Maimamu wa Misikiti pamoja na waislam wote nchini kuwaombea dua maalum mahujaji walifariki katika ajali hiyo pamoja na majeruhi ili m/mungu awape nafuu na kuendelea na ibada ya hija ikiwa ni utekelezaji wa nguzo ya tano ya Uislam.

 

Kuhusu idadi ya watanzania walioko katika ibada hiyo ya hija Mufti amesema mpaka sasa bado bakwata haina idai kamiliki kwa kuwa bado mahujaji kutoka  Tanzania wanaelekea nchini Saudi arabia kwa ajili ya hijja.

 

Install Application ya JUNGUKUULEO Uweze Pata Habari Kirahisi Zaidi

xxxxxxxxxxxxx