Mgombea mwenza wa Chadema amehaidi kufuta ushuru na kodi za mazao ya kilimo.

Mgombea mwenza wa urais wa jamhuri ya muungano wa Tanzania kupitia chama cha demokrasia na maendeleo (Chadema), chini ya umoja wa katiba ya wananchi ( UKAWA )Mh. Juma Duni Haji amesema kwamba iwapo Mh. Edward Lowassa atachaguliwa na wananchi kuongoza serikali ya awamu ya tano atahakikisha baadhi ya kodi pamoja na ushuru wa mazao wanaotozwa wakulima unafutwa mara moja sambamba na kupiga marufuku mtindo wa serikali wa kuwakopa wakulima mazao yao.

Mh. Duni ameyasema hayo wakati akihutubia mkutano wa hadhara wa kampeni za uchaguzi mkuu za kumnadi mgombea urais wa Chadema kupitia UKAWA Mh. Edward Ngoyai Lowassa zilizofanyika katika mji mdogo wa maguu jimbo la mbinga vijijini na katika jimbo la Nyasa mkoani Ruvuma kwa nyakati tofauti kufuatia malalamiko ya wakulima wa kijiji cha maguu kukopwa kahawa yao yenye thamani ya zaidi ya shilingi milioni 12 msimu wa 2014/2015. 

 

Na je, ilani ya uchaguzi ya Chadema na UKAWA kwa ujumla imesema nini kuhusu elimu kwa mtoto wa kitanzania.

Katibu wa jumuiya ya wanawake wa chama cha wananchi (CUF ) taifa, Fatuma Kalembo na aliyekuwa mbunge wa jimbo la Mkanyageni kisiwani Pemba Mohammed Habibu Mnyaa ambao wanaongozana na mgombea mwenza wa urais Mh. Juma Duni Haji wamezungumzia changamoto zinazowakabili wakulima wa kahawa na mahindi wilayani Mbinga na namna ya kuziepa.

 

Baadhi ya wananchi waliohudhuria mkutano huo wa kampeni za mgombea mwenza wa Chadema wamepata fursa ya kueleza kero zinazowakabili ndani ya jimbo hilo la Mbinga vijijini.

 

Install Application ya JUNGUKUULEO Uweze Pata Habari Kirahisi Zaidi

xxxxxxxxxxxxx