Waziri wa Mambo ya Nje na Ushirikiano wa Kimataifa, Bernard Membe amesema kama CCM haitampitisha kuingia tano bora, atampigia kampeni kwa moyo wa dhati Profesa Mark Mwandosya iwapo ataingia fainali ya kuwania kuteuliwa na chama hicho kugombea urais.
Membe aliyasema hayo jana alipokuwa akizungumza na
wanachama wa CCM kutoka maeneo mbalimbali ya mkoa wa Mbeya
waliojitokeza kumdhamini.
Alisema unapozungumzia viongozi waadilifu nchini,
Profesa Mwandosya ni namba moja, kwani amekuwa kiongozi mwenye maadili
ya uongozi na mwenye upendo wa dhati kwa wengine.
“Natamka hili kwa moyo wangu wa dhati, jina langu
lisiporudi ndani ya chama, nitampigia kampeni Profesa Mwandosya. Sina
tatizo lolote hata wakisema mimi nimuachie Mwandosya nipo tayari,
kwani ndiyo viongozi wanaotakiwa kama yeye kwa sasa kuongoza nchi
yetu,” alisema.
Kauli hiyo ni ya kwanza kutolewa na mmoja wa
wagombea urais kwa tiketi ya CCM. Wagombea wengi wamekuwa wakieleza kuwa
wameamua kuingia kwenye mbio hizo kwa kuwa hawajaona mgombea mwenye
sifa zaidi yao.
Wakati akitangaza nia ya kugombea urais mkoani
Lindi, Membe alisema:
“Nimetafakari sana kuhusu urais nimeona niombe. Nimejilinganisha na watu wengine wote wanaotia nia, na baada ya kumpitia mmoja baada ya mwingine, nimeona Lindi tuna nafasi ya kuchukua na kuwa na kiongozi wa juu Tanzania.”
“Nimetafakari sana kuhusu urais nimeona niombe. Nimejilinganisha na watu wengine wote wanaotia nia, na baada ya kumpitia mmoja baada ya mwingine, nimeona Lindi tuna nafasi ya kuchukua na kuwa na kiongozi wa juu Tanzania.”
Na baada ya kuzungumza kwa kirefu aliuhoji umati akisema, “nani kama Membe?” na kujibiwa “hakuna”.
Kuhusu mipango yake kwa Mkoa wa Mbeya, alisema
anatarajia kuboresha huduma za Uwanja wa Ndege wa Kimataifa wa Songwe
kwa kuwa ni kitovu cha uchumi.
Awali katibu wa CCM wa mkoa, Alhaji Mwangi Kundya
alisema jumla ya wanachama 877 walijitokeza kumdhamini Membe licha ya
kwamba wanaotakiwa ni 30 tu.
0 comments:
Chapisha Maoni